سالفة من التراث العراقي
{ اللي بگلب الضيف يقراه المعزب }
بالخمسينات احد الشيوخ فد يوم اجاه خطار ---
وطلب يلتقي بالشيخ
فتلكاه ابن الشيخ اهلا وسهلا دخله للمضيف وشرب كهوه --- واجه الشيخ رحب بيه وبكامل الضيافه والعزوبيه
فسأل الشيخ الضيف؟
ابوفلان زيارتك هاي شرفتنا بيها وانت صاحب الفضل وخاف عندك شي تأمرنا بيه احنه خدام !!
كال الضيف للشيخ تسلم ابوفلان بس اني عندي حاجه اريد ابيعه الك لان محد يستاهله ويقدرها غيرك ؟
كاله الشيخ شنهي الحاجه وبيش ؟؟؟
رد الضيف كاله الحاجه هاي الابرة البنسلين واريده بعشره دنانير كام انطاهه للشيخ -
الشيخ باوع عليه وخلاهه تحت السجاده !!
وصاح على ابنه كله بويه روح على امك كله اطلع من الصندوق عشر دنانير وانطيه العمك!!
وره شهر سئل الابن ابوه الشيخ كاله بويه الشيشه الي اشتريته من خطارنا اني ضميته لان انته نسيتها !!
وصارلي شهر ادحگ عليها ماعرفت شنو الغالي بيها اشو مبين بيه مي من النهر !!
كاله الشيخ بويه خطارنا جان محتاج فلوس واجه جايب ماي وجهه بالشيشه !! ولان هوه ابن الاجاويد ومحترم وابن خير ماراد ينزل ماي وجهه كدام ناس ماتستاهل!! ويطلب منهم لان الوكت ضنكه شويه !!
اجاني واني يابويه موغشيم اشتري ابره بنسلين مابيه دوه بعشر دنانير وهي سعره بخمس فلوس بالصيدلية وتاخذها من المستوصف بلاش بس مادام ظن بيه خير ودك بابي طالب شي مالازم افشله لواعرف ابيع اهدومي !! �
المثل ايكول ----
(الي بگَلب الضيف يقراه المعزب )
هكذا كان اجدادنا
{ اللي بگلب الضيف يقراه المعزب }
بالخمسينات احد الشيوخ فد يوم اجاه خطار ---
وطلب يلتقي بالشيخ
فتلكاه ابن الشيخ اهلا وسهلا دخله للمضيف وشرب كهوه --- واجه الشيخ رحب بيه وبكامل الضيافه والعزوبيه
فسأل الشيخ الضيف؟
ابوفلان زيارتك هاي شرفتنا بيها وانت صاحب الفضل وخاف عندك شي تأمرنا بيه احنه خدام !!
كال الضيف للشيخ تسلم ابوفلان بس اني عندي حاجه اريد ابيعه الك لان محد يستاهله ويقدرها غيرك ؟
كاله الشيخ شنهي الحاجه وبيش ؟؟؟
رد الضيف كاله الحاجه هاي الابرة البنسلين واريده بعشره دنانير كام انطاهه للشيخ -
الشيخ باوع عليه وخلاهه تحت السجاده !!
وصاح على ابنه كله بويه روح على امك كله اطلع من الصندوق عشر دنانير وانطيه العمك!!
وره شهر سئل الابن ابوه الشيخ كاله بويه الشيشه الي اشتريته من خطارنا اني ضميته لان انته نسيتها !!
وصارلي شهر ادحگ عليها ماعرفت شنو الغالي بيها اشو مبين بيه مي من النهر !!
كاله الشيخ بويه خطارنا جان محتاج فلوس واجه جايب ماي وجهه بالشيشه !! ولان هوه ابن الاجاويد ومحترم وابن خير ماراد ينزل ماي وجهه كدام ناس ماتستاهل!! ويطلب منهم لان الوكت ضنكه شويه !!
اجاني واني يابويه موغشيم اشتري ابره بنسلين مابيه دوه بعشر دنانير وهي سعره بخمس فلوس بالصيدلية وتاخذها من المستوصف بلاش بس مادام ظن بيه خير ودك بابي طالب شي مالازم افشله لواعرف ابيع اهدومي !! �
المثل ايكول ----
(الي بگَلب الضيف يقراه المعزب )
هكذا كان اجدادنا
ليست هناك تعليقات:
إرسال تعليق