قصيدة في مدح الشيخ احمد الرفاعي

قصيدتي بحق شيخي الكبيرالمفدى احمد الرفاعي قدس الله سره ورضي الله عنه وارضاه عنا..آمين..
••••••••••••••••••••••••••••••••••••••••••
توازينه ونريد الخيل عدايه
                      لبو العرجه الرفاعي أنغزت الرايه
            @@@@@@@
توازينه وعلى المختار صلينه
                         ابو الزهره البتول مكحله عيونه
صلوا عالنبي يامن تحبونه
                         مديح المصطفى بلسمي ودوايه
&&&&&&&&&&&&&&&&&&&&&&&&
توازينه وبنينه راية أمدادي
                      لبوالعرجه الرفاعي وقطب بغدادي
موكافي الهجر والجفا يجدادي
                      عليمن أرتجي واحتمي من إعدايه
&&&&&&&&&&&&&&&&&&&&&&&&
توازينه وبنينه الكم رواياكم
                      يهل راوه ترانه نطلب احماكم
عجب درتو الوجه للصاح ينخاكم
                      ابد ماهي مروه تكطعو ويايه
&&&&&&&&&&&&&&&&&&&&&&&&
توازينه ونخينه بحزن ودموعي
                      يكرام السجايا وذيح الربوعي
يابو الحسنين أفزع وامنوا روعي
                      حيدر ياعلي يل بيك الكفايه
&&&&&&&&&&&&&&&&&&&&&&&&
توازينه أشوكت نسمع صهيل الخيل
                     رواياكم بنيناهه بأرض اربيل
وين السيد محمد ياسبع أدجيل
                     موطال الجفا ونسرت اعدايه
&&&&&&&&&&&&&&&&&&&&&&&&
توازينه وبعثنه من الوزه ساعي
                    على السره يهز الجبل والكاعي
يبو العرجه أشعجب ماجيت فزاعي
                    مايخفه عليكم حال بلوايه
&&&&&&&&&&&&&&&&&&&&&&&&
توازينه ونخينه الغوث أبو العباس
                   سيدنا الرفاعي البيه رفعت راس
حشا مداحكم يهل الحمى ينداس
                  وانت بكل شديده واكف احمايه
&&&&&&&&&&&&&&&&&&&&&&&&
توازينه يشيخ جنيد مرووووونه
                  ترى ماهي شهامه ابضيج عفتونه
نمدح كل وكت بس ماتسمعونه
                  ولابيكم شفوگ الينتخي ويايه
&&&&&&&&&&&&&&&&&&&&&&&&
توازينه وبعد ماننتخي بيكم
                   أذا بيكم امروه انضام حاديكم
ياعيسى الشيخ نامس شنهو تاليكم
                   شوكت تلفي علينه الخيل عدايه
&&&&&&&&&&&&&&&&&&&&&&&&
توازينه وعليكم عيب هالنوبه
                   على شيخ الجفه بالضيج محسوبه
علينه الناس صارت حيل مجلوبه
                   ونار ال بالحشا تشتعل جوايه
&&&&&&&&&&&&&&&&&&&&&&&&
توازينه ولا واحد شهل عينه
                  أشعجب جدنا رجب ماينتخي لينه
أبو ارقيه الشهم تشهد ميادينه
                  سبع الطار كوم وشوف شكوايه
&&&&&&&&&&&&&&&&&&&&&&&&
توازينه وحملنا من الثگل داوي
                   ونخيت الشيخ احمد جدنا الراوي
كوم أمدح وحشمهم يانمراوي
                   لبو سعيد صيح وانصب الرايه
&&&&&&&&&&&&&&&&&&&&&&&&
توازينه ونخينه والكلب منصاب
                  يسبع الدير تاج الراس ياوهاب
أبو احمد وليده وليث ابد ميهاب
                  كال ابشر ترانه اسيوف كصايه
&&&&&&&&&&&&&&&&&&&&&&&&
توازينه ونخينه والحمل ثكلان
                 مدد ياشيخ حاتم وين ابو سفيان
ابو الغيره وحمية نطلب البرهان
                ادري احرابكم بالظرب دمايه
&&&&&&&&&&&&&&&&&&&&&&&&
توازينه يبو سفيان فزعاتك
                      نريد أنشوف هذا اليوم نخواتك
مايحتاج والله نشيل راياتك
                      يشبل ابن الرفاعي وانتم الغايه
&&&&&&&&&&&&&&&&&&&&&&&&
اريد انخه ابو ياسر ياعز الجار
                      خليل ابن الجنابي عالي الاسرار
يتاج الراس جود ووجه الأنضار
                      على البيك يتوزم عجلو ادوايه
&&&&&&&&&&&&&&&&&&&&&&&&
توازيت وختمت اقوالي وأشعاري
                    واصلي عالحبيب وكنز الأسراري
محمد ياحبيب الواحد الباري
                    اقدملك يابو ابراهيم دعوايه
************************************
             تمت بفضل الله تعالى